Albisteak
Zinema tailerra Nafarroako Filmoteka/Nicdo-ren ekimena da, eta esperientzia praktiko eta intentsibo baten bidez hizkuntza zinematografikoa hurbiltzea du helburu. Tailerra Julio Mazarico zinemagile nafarrak eman zuen, urtero bezala.
Zinema tailerra Nafarroako Filmoteka/Nicdo-ren ekimena da, eta esperientzia praktiko eta intentsibo baten bidez hizkuntza zinematografikoa hurbiltzea du helburu. Julio Mazarico zinemagile nafarrak ematen du eta 12 eta 17 urte bitarteko gazteei zuzenduta dago.
Baluarten egin da, eta aurten bi deialdi izan dira, lehen deialdiaren plazak azkar bukatu ziren eta. Datorren irailaren 5ean, Nafarroako Filmotekak bere ikasleek egindako eta interpretatutako film laburrak proiektatuko ditu.
Tailerrean, oinarri didaktiko eta entretenigarri batetik abiatuta, sorkuntza zinematografikoko intentsibo bat egin da: nozio teorikoetatik eta gidoiaren idazketatik hasi, eta azken filmazio eta muntaketaraino. Berrikuntza gisa, aurten jauzi bat eman da aurreko edizioekin alderatuta, eta, lehen aldiz, lehenengo eta bigarren deialdietatik aterako diren film laburrak soinudunak izango dira.
Ikasleek saio teoriko dinamikoak izan dituzte, aurretik Nafarroako Filmotekan Boulevard Aretoan proiektatu diren laburmetrai eta luzemetraietan oinarrituta, ikus-entzunezko errealizaziorako diseinatutako espazio zabala. Bestalde, bere film laburra filmatzeko espazio ugarien artean, tailerreko parte-hartzaileek Baluarteko gune berezietan egin ahal izan zituzten bere eszenetako batzuk, hala nola Ganbera Aretoan, Areto Nagusian edo kamerinoetako korridoreetan. Koiuntura aprobetxatuz, bisita gidatua eskaini zen.
Tailerraren ikuspuntuari esker, mundu guztiak hainbat lan egiteko aukera izan zuen: kamera operatu, pertsonaia bat interpretatu edo eszena bat zuzendu. Era berean, ikasleek hala eskatuta, errodajea amaitu eta denbora batera, elkarrizketa pertsonalak egin zitzaizkien, zinemaz betetako egun hauetan izandako esperientzia konta zezaten.
NAFARROAKO LIBURUTEGIA ETA FILMOTEKA ERAIKINA
Artxibo Filmografikoa