Pasaden ostegunean, hilak 17, hasi zen Zinema Beach-en edizio berria, UP (2009) filmarekin. Pete Docter-ek zuzendutako Pixar filmak, abentura, umorea eta samurtasunaren bidez, doluaz, adiskidetasunaz eta hasiera berriez hitz egiten du. Zikloa sekulako arrakastaz ireki zen, ikusleek hamaka eta hondartzako aulkiz betetako patioa gainezka egiten. 

 

Iazko udan bezala, Zinema Beach-era hondartzako arropekin joateak saria du. Ikusle asko Hawaiiko alkandorekin, toallekin, flotagailuekin… joan ziren, eta batzuk filmeko pertsonaiez mozorrotu ere egin ziren, krispetak eskuratu eta Sendavivan bi pertsonarentzako esperientzia esklusibo baten zozketan parte hartu ahal izateko.

 

Zinema Beachen hurrengo saioa asteartean izango da, uztailak 22, 21:15ean, baina 20:00etan irekiko dira ateak. CON FALDAS Y A LO LOCO (Some Like It Hot, 1959) proiektatuko da; Billy Wilder zuzendariak sexualitate eta genero garai hartako tabuak hautsi zituen. Filma honek Baluarteko 'hondartzara' ekarriko du mafiaren sarraski baten lekuko izan diren eta ihes egiteko emakumez mozorrotu beharrean dauden bi musikariren istorioa. Marilyn Monroe, Tony Curtis eta Jack Lemmonen emanaldi bikainekin, film honek Jantzirik Onenaren Oscar saria irabazi zuen, eta beste sei izendapen lortu zituen, Zuzendaritza eta Aktorea barne; gainera, Film Onenaren Urrezko Globo bat (Komedia edo Musikala) irabazi zuen. Proiekzio honekin Tony Curtis eta Jack Lemmon omentzen dira, 2025 honetan 100 urte beteko bailituzkete.

 

Saio bakoitzerako sarrerak 6 € balio dute, eta dagoeneko eros daitezke webgunean www.baluarte.com, Baluarteko leihatilan eta NICDOk La Morea merkataritza-gunean duen saltokian.