Nafarroako Filmoteka

Atal honetan Nafarroarekin lotura duten produkzio zinematografiko guztiak erakusten dira, edozein formatutan. Filmoteka batean, kontserbatu eta zabaltzeko interesgarriak diren ikus-entzunezko material guztiak biltzen dira; Nafarroako Filmotekaren proiekzio-aretoan, obra horiek sustatzeko eta aintzatesteko eszenatoki izateko bokazioari jarraituz, dokumentu horiek biltzen dira atal honetan. 

Oraingo honetan, bi saio programatuko ditugu irailean zehar. Lehenik eta behin, Zine68 kultur elkartearen ekoizpen bat dugu, Zizurretik zinema modu amateurrean egiten duena, urteetan zehar garatutako pasio kolektibo handiarekin. La tía Paca fikziozko film luzea ikusteko aukera izango dugu, eta solasaldi bat izango dugu film honetako lantaldearekin.

Bigarrenik, ordutegi berezia duen saio batean (18.00etan), gazteentzako zine tailerraren (Taller de cine para jónvenes) edizio berri baten emaitza programatuko dugu. Tailerreko parte-hartzaileak protagonista dituen fikziozko film laburra da, Javier Celayk koordinatua, eta film laburra aurkeztu eta parte-hartzaileekin elkarrizketa bat egingo du. 

Saio berean, 2025-2026 ikasturtean Cinema en Curs programa akademikoan egindako lanak aurkeztuko dira. Tailerrean parte hartu duten bigarren hezkuntzako ikastetxeetako ikasleen aurkezpena izango dugu, Patxi Burillok koordinatuta.