Zinema bi uda

Iaz, jarraitzeko bokazioa zuen ziklo bati ekin genion, eta udako pelikulak proposatu genituen: uda bizi-garai berezia da beti, axolagabea, non dena edo ezer gertatu litekeen, dibertimendua eta entretenimendua gailentzen dira, eta beroak zinema-aretoa aterpe gisa bilarazten digu, urteko beste garai batzuetan bilatzen ez dugun modu batean.

Oraingo honetan bi film proposatzen ditugu, nolabait erlazionatuak: bata frantsesa eta bestea inspirazio frantsesa duena.

Pauline en la playa (1983), Eric Rohmer zinemagile handiaren  Komediak eta esaera zaharrak sailean kokatutako filma da, Frantziako Nouvelle Vagueko handienetakoa. Pauline en la playa lanean, Rohmerrek helduaroan sartzean izaten diren udako pasioak kontatzen ditu, udako erromantzeak, ikuspuntu desberdinetatik erakutsiak, giza harremanak ulertzeko modu desberdinetatik.

La virgen de agosto (2019), Jonas Truebak, Rohmer eta bere unibertsoaren miresle aitortuak, emakume baten bidaia intimoa jarraitzen du errebelazioen bila. La virgen de agosto, Egunak eta gauak aukera-denbora gisa aurkezten dira. Udako berbenak ospatzen diren bitartean, Evak beste pertsona batzuekin egiten du topo, eta haiei laguntzen saiatzen da, jakin gabe bere buruari laguntzea besterik ez duela egiten. Udako ipuin filosofiko samarra, mistikoa, alaia eta jai girokoa hasieratik bukaerara.