Nafarroako Filmoteka

Atal honetan Nafarroarekin lotura duten produkzio zinematografiko guztiak erakusten dira, edozein formatutan. Filmoteka batean, kontserbatu eta zabaltzeko interesgarriak diren ikus-entzunezko materialak biltzen dira; Nafarroako Filmotekaren proiekzio-aretoan, obra hauek sustatzeko eta aintzatesteko eszenatoki izateko bokazioari jarraituz, biltzen dira ikus-entzunezko dokumentu hauek. 

Oraingo honetan, bi saio programatuko ditugu apirilean zehar. Lehenik eta behin, Cambium (2024,) Marina Lameiro eta Maddi Barber-ek zuzendua, Paraíso-n (2021) hasi zen diptiko baten bigarren zati gisa pentsatua. 16 mm-tan filmatuta, Nafarroako Pirinioetako pinudi bateko paisaia-aldaketari buruzko hausnarketa egiten du metraje ertaineko film honek. Pinudia laborantzarako eta larreetarako lurra irabazteko moztu zuten. Obra 2025ean estreinatu zen, Punto de Vista jaialdian, eta ospe handiko hainbat jaialdi nazional eta nazioartekotatik igaro da.

Saio kolektibo batean, Nafarroan ekoitzitako lau film labur proiektatuko ditugu, produkzio ugariaren panorama askotarikoa eta interesgarria erakusten dutenak. Saioak Off the page (2023), Joan Oliver eta Diego Gómez-ek zuzendua, fikziozko film laburra proposatzen du, ingelesez TFG (Ikus-entzunezko Komunikazioa) gisa filmatua Nafarroako Unibertsitatean, eta azken hiru urteetan nazioarteko jaialdien ibilbide arrakastatsua osatu duena. Esta es la última (2025), Joan Voltas-ek zuzendua, fakultate berean graduatutako beste gazte bat, jaialdietan hasiko du bere karrera eta  Nafarroan estreinatuko da. Film laburra plano sekuentzial batean filmatu zen ilunabarrean, Madrilgo teilatu batean. Ondorengo bi film labur hauek osatzen dute proposamena: Algún día nos reiremos de esto (2025), Goya sarietarako izendatua izan zen Óscar de Julián zuzendariarena, Boomer Films nafarrak produzitua, eta Antón (2025), Mikel Gonzálezek zuzendua, Donostiako 72. Nazioarteko Zinemaldian Loteria Saria jaso zuena.