Manoel de Oliveira

Bizitza-luzeraren dohaina ere izan zuen, eta 100 urte baino gehiago zituenean film bat zuzendu zuen. Punto de Vista Jaialdiak eta Nafarroako Ateneoak maiatzerako egin duten proposamena osatzeko, Nafarroako Filmotekak hautatutakoa beren filmografia zabalaren lagin txiki hau eskaintzeko (El extraño caso de Angélica).

Francisca 1981ean estreinatu zen Cannesko Zinemaldiko Quinzaine des Realisateurs delakoan, eta Manoel de Oliveiraren karreraren lorpen garrantzitsuenetariko bat izan zen. Horrez gain, amodio frustatuen tetralogia itxi zuen, 70eko hamarkadaren hsieran O passado e o presente filmarekin hasi zena. Ateneoak aurkezten du…programazio-ildoaren barruan, gaur egungo zinemaren eta hain ezagunak ez diren klasikoen aldeko apustua egiten da, Francisca, 2019an berrezarri eta berrestreinatutako bertsioan, bi alderdi horiek bateratzen dituela dirudi, oso izaera garaikidea baitu, eta, Victor Ericeren hitzetan, “zinema oraindik izan daitekeena erakusten du”.

Zinemaren historiako beste maisu-maistra askok bezala, Manoel de Oliveirak dokumentalak zuzentzen hasi zuen bere karrera (hain zuzen ere, 1934ko lehen lana, Douro, faina fluvial, punto de Vista Jaialdiaren azken edizioan ikusi ahal izan zen “Encuentro en el rio” zikloaren barruan); genero horretara itzuli zen behin eta berriz bizitza osoan.

1982an, Oliveirak film txiki bat egin zuen, ia ezkutukoa (Cinemateca Portugesan utzi zuen, hil arte ez zabaltzeko baldintzapean), Visita, o recuerdos y confesiones izenekoa. Autorretratu intimoa eta poetikoa da, eta bertan lau hamarkadaz bizi izan zen Oportoko etxeari agur esaten dio. Hainbat gairi buruzko (zinema eta arkitektura, besteak beste) eta diktadura militar baten menpeko bizitzari buruzko hainbat kabilazioz betetako familiaren historia errepasatuko du.

Lucia Salas kritikai, zinegile, irakasle eta programatzaileak aurkeztuko ditu saioak. Punto de Vista Zinemaldiko Hautaketa Batzordeko kidea, La Vida Útil eta Outskirt aldizkarien erredakzio-kontseiluko kidea da eta Donostiako Elias Querejeta Zine Eskolako irakaslea da.