Uztailak 18, 23 eta 25-en gauetan, Filmotekak bere programazioa Baluarteko terrazara lekualdatzen du.

Nafarroako Filmotekak Imma Merino-ren "Agnès Varda. Espigadora de realidades y sueños" liburua jartzen du salmentan.

Berriki desagertutako zinemagileei Filmotekan eskaintzen diegun hirugarren zikloa. Lehena Bernardo Bertolucci izan zen, ondoren Agnès Varda, eta orain Stanley Donen omendu nahi dugu, zinemaren urrezko garaian istorio bikainak sortu zituena.

Ekainaren 11n, asteartea, Genesis 2.0 ikusteko aukera izango dugu, Nafarroako Unibertsitate Publikoko ikasle talde batek, iGEM proiektuaren barruan, bultzatutako saioari esker. Proiektua MITek (Massachusettseko Teknologia Institutuak) urtero antolatzen duen lehiaketaren barruan txertatzen da, eta talde bakoitzak bere sistema biologiko propioa diseinatu behar du. Helburua biologia sintetikoa jendartera hurbiltzea da eta teknologia berri horrek eskaintzeko duen potentziala erakustea. Dokumental zientifikoa eta dibulgatzailea da, hainbat jaialditan saritutakoa, bide zoragarria bezain arriskutsua aurkezten diguna.

Nafarroako Filmotekak Gazteentzako III zinema tailerra super 8mm-tan antolatzen du uda honetan, 16 urtetik beherako gazteei zuzenduta.