Plácido

   Probintziako hiri txiki batean, burges alfer batzuei Gabonetako kanpaina bat antolatzea otutzen zaie. Hauxe da kanpainaren leloa:  "Gonbida ezazu txiro bat afaltzera". Gau batez behartsuenei gozatzeko aukera ematean datza, familia dirudunekin Gabon-gaua pasatuz. Prestaketen erdian Plácido dago, kabalgatan bere motogurdiarekin parte hartzeko kontratatu baitute. Baina arazo batek ez dio uzten bere lanean arreta jartzen: Gabon egunean berean motogurdiaren lehen letraren epea amaitzen zaio. Motogurdia da gizonaren bizibidea.

 

   Zuzendariak sarkasmoa erabiltzen du obran garaiko deskribapen suntsitzailea egiteko. Pelikula onenaren Urrezko Palma eta ingelesez ez den pelikularik onenaren Oscarra irabazteko hautagaia izan zen.