La noche está marchándose ya (Argentina, 2025)

Pelu hogeita hamar urteko gazte bat da, eta nekez bizirauten du bere proiekzionista soldatarekin udal zineklub batean. Lana galdu ondoren, gaueko gauzain gisa geratzea onartzen du, eta zineman ezkutuan bizitzen bukatuko du, gauero berrikusten dituen filmekin batera. Bere etxe berrian erosoago sentitzen den heinean, komunitate txiki bat osatzen hasten da han, etxerik gabeko pertsona talde batekin eta Vale-rekin batera, proiekzio-gelan bideoak grabatzeko aukera ematen dion lankide ohi batekin. Baina bizi duten egoera ekonomiko kaskarra krisi handiago baten parte da, zinema ixtearekin mehatxatzen duena eta komunitate txikia arriskuan jartzen duena.

La noche está marchándose ya (2025) da Ezequiel Salinas eta Ramiro Sonzini argentinarren opera prima, zuri-beltzean filmatua, zinemarekiko eta eusten dieten aretoekiko maitasun-adierazpen gisa. Filmak ibilbide bikaina egin du zinemaldietan: zuzendaritza onenaren saria Valladolideko Semincin, Grand Prix DocLisboan, Epaimahaiaren Sari Berezia Valdiviako Zinemaldian eta saria Jeonjuko Zinemaldian.

Aurkezpena eta elkarrizketa: Patxi Burillo eta Ramiro Sonzini