El incinerador de cadáveres (Spalovač mrtvol, Txekoslovakia, 1968)

Errausketa-labeko zuzendariak, burutik jota, uste du errausketak garbitu eta arindu egiten  duela lurreko sufrimendua. Agintarien laguntzarekin, betiko atsedena merezi duten  pertsonak hiltzea erabakiko du

.

Juraj Herz (1934 – 2018), batez ere, beldurrezko zineman egindako lanarengatik da ezaguna, Txekoslovakiako gainerako zuzendariek komunismoaren garaian oso gutxi erabiltzen zuten generoa. Herzek ospea lortu zuen Ladislav Fuksen eleberri batean oinarritutako El incinerador de cadáveres (1968) filmarekin. 1972an, film, aktore eta argazkilaritza onenaren saria irabazi zuen Sitgeseko Zinemaldian. Zentsore komunistek debekatu egin  zuten estreinatu ondoren, eta, beraz, ez zen Txekoslovakian berriro ikusi 1989ko Belusezko Iraultza pasa arte. Hala ere, nazioartean ospe handia lortu zuen eta kultu-filma bihurtu zen.

 

Aurkezlea: Manu Zapata