Programazioa
Inoiz ez igandean
Martxoaren 6a, ostirala
20:00
El Pireo-ko portuan, Atenasen, Ilya (Melina Mercouri) bizi da, emagaldu independente eta ezaguna, izpiritu libre eta eskuzabalekoa; pentsa zein neurritaraino, igandetan bere bezeroak bere etxera gonbidatzen dituela janaria, edaria eta musika doan eskainiz. Bien bitartean, gazte intelektual estatubatuar bat, Homer Thrace (Jules Dassin), portura iristen da bisitan, Platonen eta Aristotelesen Greziaren gainbeheraren arrazoien bila. Ilya eta haren bizimodua ezagutzen dituenean, bera dela gainbehera haren sinbolo bizia ondorioztatzen du eta heziketaren bidez hura “salbatzeko” kanpaina txiki bati ekiten dio, prostituzioa utzi eta bizitza hobe bat bilatzeko aukera izan dezan.
Benetan bitxia da bikote protagonistaren artean, Jules Dassin (sorgin ehiza estatubatuarretik ihesi Grezian lehorreratu zena) eta Melina Mercouri (aktoresa, abeslaria eta politikaria, Graziako Kulturako ministro izatera iritsi zena), kimika ikaragarria nola sortu zen frogatzea; izan ere, film hau egin eta sei urtera biak elkarrekin ezkondu ziren eta laurogeita hamarreko hamarkadaren erdialdera emakumea minbiziaren ondorioz hil zen arte elkarrekin jarraitu zuten. Bederatzi filmetan egin zuten lan elkarrekin eta film horien artean osperik handiena eman ziena Inoiz ez igandean izan zen. Aktoresa greziarrak bere interpretazioagatik hainbat sari lortu zituen (Cannes-eko zinema jaialdian, esaterako) eta, baita, El Pireo-ko haurrak abestiaren abeslari gisa ere; horri esker Oscar saria lortu zuen.
Never on Sunday, Grezia-AEB, 1960
Zuzendaritza eta gidoia : Jules Dassin
Argazkiak : Jacques Natteau (ByN)
Musika: Manos Hatzidakis.
Interpretatzaileak : Melina Mercouri, Jules Dassin, Giorgos Foundas, Titos Vandis, Mitsos Ligizos, Despo Diamantidou, Dimos Starenios, Dimitris Papamichael.
Hizkuntza: Jatorrizko bertsioa ingelesez eta grezieraz, gaztelaniazko azpitituluekin.
Iraupena: 91 min.
Sarrera: 3 euros
Martxoaren 13a, ostirala, 20:00
Zorba greziarra
Martxoaren 20a, ostirala, 20:00
Paisaia lainotan
Martxoaren 27a, ostirala, 20:00
Betortza
NAFARROAKO LIBURUTEGIA ETA FILMOTEKA ERAIKINA
Artxibo Filmografikoa