Haizearen oinordetza (Inherit the Wind)

Jerome Lawrence eta Robert E-ren antzezlanaren egokitzapena, 1925eko udan egin zen epaiketa sonatuan oinarritua. Tennessee estatuan, predikari fanatiko batek Bertram Cates irakasle gaztea epaitegien aurrera eramaten du, zeina, ikasgelan Darwin-en eboluzioaren teoria azaltzeagatik eta Biblian jasota datorren gizakiaren kreazio jainkotiarra ukatzeagatik atxilotua izan zen. Darwinismoaren eta kreazionismoaren teoria kontrajarriak Henry Drummond abokatu defendatzailea eta Matthew Harrison Brady lider ultrakontserbadorea, akusazioaren abokatua, sinesmen-bataila leherkor batean aurrez aurre jartzen dituzten aurkako bi poloak dira. Epaiketa, gizarte-garrantzia ikaragarria izan zuen defentsaren abokatuaren eta akusazioaren abokatuaren arteko bataila titaniko eta ikuskizun mediatiko bihurtu zen; izan ere, defentsa egunkari garrantzitsu batek finantzatua eta kazetari ospetsu batek jarraitua izan zen. Fredric March-ek Zilarrezko Hartza lortu zuen Berlingo Jaialdian eta filmak Oscarrerako hainbat izendapen lortu zituen: egokitutako gidoirik onenarena, aktorerik onenarena (Spencer Tracy), argazkirik onenarena eta muntaiarik onenarena.