Bakarrik arriskuaren aurrean (High Noon)

Will Kane (Gary Cooper), Hadleyville izeneko herri txiki bateko sheriffa, Amy-rekin (Grace Kelly) ezkondu berria da. Ezkonberriek hirira bizitzera joan eta bertan negozio txiki bat jartzeko asmoa dute. Alabaina, herrian berehala zabaltzen da Frank Miller (Ian MacDonald), Kane-k harrapatu eta justiziaren aurrera eraman zuen kriminala, espetxetik atera denaren eta eguerdiko trenean herrira mendeku bila datorrenaren berria. Denbora motel igarotzen da, baina herrian ez dago inor sheriffari laguntzeko prest.

 

Filma, nahiz eta laburra izan, bilbearen garapenean intentsitate handikoa da, Will ausartak kriminalak noiz iritsiko zain igarotzen duen denboraren atzerako kontaketa larria dela eta, zeina, kasik denbora errealean kontatzen den. Intentsitate hori soinu-banda bikainak nabarmentzen du, filmak 1952an lortu zituen lau Oscarretako batekin saritua izan zena, Gary Cooper-i eman zioten aktorerik onenaren Oscarrarekin batera.