Nattvardsgästerna

Pelikula onenaren Urrezko Buruxka irabazi zuen Los comulgantes filmak, eta Bergman-ek zuzendari gisa burutu duen hamahirugarren proiektua da; baita ere, haren filmografiaren barruko pelikularik garrantzitsuena. Guztira, berrogeita hamar izenburu baino gehiago osatuko ditu.

Filmean Tomas Ericsson artzain protestantearen ordu batzuk kontatzen dira. Duela urte batzuk maite zuen emaztea galdu ondoren, bizitza berriro osatu behar izan du. Gizon bakartiak krisi espiritual sakona du, eta, haren ustez, haren bizitzak ez du zentzurik. Marta Lundberg andereñoak agertzen dion maitasuna ere jasanezina da. Nekazari bikote bat aholku eske joango zaio, eta egoera are larriago bihurtuko da laguntza eskaintzeko gai ez dela ohartzen denean. Handik gutxira, nekazariak bere buruaz beste egingo du, eta Thomas galzorian aurkituko da: dagoeneko ezerk ezingo du barruan duen zuloa bete.

Itxuraz pelikula xumea da, baina sakontasun handikoa elkarrizketei dagokienean; izan ere, esanahiez beteta daude, eta, erritmoa lasaia izan arren, arreta berezia behar da pertsonaien psikologia eta kezkak jaso eta ulertzeko.