L''Atalante

Jeanekin ezkondu ondoren, Juliette harekin bizitzera joan da, kapitain duen ibai-ontzira. Bertan, biez gain, grumete bat eta Perez Jules bigarren ofizial bitxi eta zaharra bizi dira. Handik gutxira, ibaian bizitzeaz aspertuta, Juliette txundituta geratu da Parisa gaueko bizitza ikustera iritsi direnean. Hori dela eta haserretu egin da Jean , eta Juliette atzean utzi du. Baina emaztearen minak eta nostalgiak depresioa jo du. Orduan , Perez Jules Julietteren bila itzuli da.

L’ Atalante filma errealismo poetikoa deritzon korronte zinematografikoan sartzen da. Produktore eta errealizadore independenteek bultzatutako mugimendu horrek bere aukera izango zuen ekoizle handiek 1935ean porrot egin zutelako. Errealismo poetikoaren izenak, hasieran, filmetan landutako gaiak eta haiek irudikatzeko modua aipatzen zituen, eta horien eragina nabarituko da Amerikako zinema beltzean. Hala ere, “errealismo poetikoak” , batez ere, gogo-aldartea ikusi eta erreproduzitzeko modu intimoa islatzen ditu. Errealitate hori biluzik ageri da, artfiziorik gabe, eta lirismo sakona eragitea lortzen du.

Jean Vigo ez zen bizi izan lehen film luze bakarraren arrakastaz gozatzeko, 1934ko urriaren 5ean hil baitzen tuberkulosiaz , filma 1934 irailaren 14an estreinatu eta hiru astera.