Programazioa
Hurrengo gertaerak Gertaeren historikoa 2021 2020 2019 2018 2017 2016 2015 2014 2013 2012 2011 2010

Translating Edwin Honig: A Poet´s Alzheimer + Color Perro que huye

Ekainaren 9a, osteguna, 20:00etan.

Translating Edwin Honig: A Poet´s Alzheimer

 

Zuzendaria: Alan Berliner
Urtea: 2010
Iraupena: 19’
Ekoizpenaren herrialdea: EE. UU.
Hizkuntza: jatorrizko bertsioa ingelesez, gaztelerazko azpitituluekin

Argazkia: Ian Vollmer
Muntaketa: Alan Berliner

Film laburrik hoberenarentzako saria

Alan Berliner bere lagun, lehengusu eta aholkularia den Edwin Honig-en azken urteak dokumentatu ditu. Honig poeta, itzultzaile, kritikari eta irakasle ospetsua da. Honig-ek azken urteak Alzheimer gaixotasunaren amildegietan pasa ditu. Beste ohore askoren artean, Espainiatik eta Portugaldik ohorezko aitorpenak jaso zituen Lorca, Calderón eta Pessoaren itzulpen seminalak medio, irakurle anglosaxoiei literaturako erraldoi horien lana irakurtzeko aukera eskaini baitzien. Sei film laburreko suite horretan erakusten da memoria eta hizkuntzaren domeinua gal zezakeen poeta eta artisaua, baina pertsonaia horrek erritmoari, errimari eta musikaltasun gorenari eusten die oraindik. Eta batez ere, duintasunari.


 

Color Perro que huye

 

Zuzendaria: Andrés Duque
Urtea: 2011
Iraupena: 70’
Ekoizpenaren herrialdea: Espainia
Hizkuntza: jatorrizko bertsioa erdaraz

Ikusleen sari berezia

Filma errealizadorearen ohar argitzailearekin hasten da: “Ez dut zeluloiderik, ez bideo-zintarik. Disko gogorretan eta memoria-kaxa moduan jasotako zenbakiak ditut soilik; kaxa horiek quicktimes deitzen dira. Hortik irudiak atera ditut, eta orain, irudi horiek batu, ordenatu eta zintzotasunez aurkeztu ditut. Baina ez dira egiak”. Errealizadoreak, istripu baten ondorioz, bi hilabetez ohean egon behar izan du, eta, zortzi urtez artxibatzen joan den irudiak eta bazterkinak errekuperatuko ditu ondoren. Horiekin film sentsoriala egingo du: lagunen erretratuak, Bartzelonan zehar egindako paseoak eta jaioterrira, Venezuelara, egindako bidaia, kaosak legea ezartzen duen lekura. Zati batzuekin egindako pelikulan zinemagilearen mundurik minena erakutsiko zaigu, eta une batzuetan El Boscoren pintura bezain onirikoa izango da.

Sarrera: 3 €.
Filmoteka 10 emanaldirako abonoa: 20 €.

Proiekzio honetarako sarrerak lehiatilan bakarrik saltzen dira.

Volver
Abono Salmenta Ziklo honetako programazio gehiago

Maiatzaren 26a, osteguna, 20:00etan.
Foreign Parts

Ekainaren 2a, osteguna, 20:00etan.
The Arbor

Ekainaren 16a, osteguna, 20:00etan.
48

Ekainaren 23a, osteguna, 20:00etan.
Notas de lo efímero + Ici-Bas (Down there)

Uso de cookies:
Este sitio web utiliza cookies, tanto propias como de terceros, para recopilar información estadística sobre su navegación. Si continúa navegando, consideramos que acepta su uso. Más información