Munstroen geldialdia (Freaks)

Zinemagilea izan baino lehen, Tod Browning-ek munduko zirku famatuenetan lan egin zuen, “Ringling Brothers”-ena adibidez. Han, “bizi den gorpua” izenarekin ezagututako saio makabroa egiten zuen. Ogibide xelebre honen arira garatu zuen gai malkarrekiko interesa. Hala izanda, zinemagintzaren industrian jada murgilduta zegoenean, bere esperientzia aurkezten dizuegin filmean ezagutaraztea erabaki zuen. Gogora dezagun lehen, zirkua, gizakiaren malformazioak erakusten zituen antzeki krudela zela: elefante-gizona, bizardun emakumea, ipotxak, elbarriak…ez zegoen errukirik. Zuzentasun politikoak ez zuen kabidarik, helburua ikuslea beldurtzea zen – J.G. Ballard ez dago urrun -. Hala izanda, geure gizonak tropa berezia aukeratu zuen filmean parte hartzeko, haietako zenbait bere zirku garaiko kideak. Filmaren gai nagusia munstrokeria da. Hau pertsonaren fisikoan ez, baizik eta gure barnean agertzen dela argudiatzen du. Fillmak benetako munstroa bere interesen alde edozer gauza egin dezakeen persona dela defendatzen du, honen ondorioz besteei eragindako kalteak ahaztuz.