Saio Bereziak

1869ko urriaren 2an Porbandarren (India) Mohandas Karamchand Gandhi jaio zen, nazioartean bere azken izenarekin ezagun egin zena. Azken garaietako itzal handietako lider herrikoia izan da bere pentsamendu bereziari esker, Indiaren independentziaren aldeko bere borrokarengatik eta, batez ere, bere jarrera ez-gerra-egile eta bakezalearengatik. Bere irudia gogora ekartzeko eta utzitako ondarea gogoan izateko, bere bizipenarekin lotuta mundu osoan jende gehien ikusi zuen filma berreskuratuko dugu, Richard Attenboroughen Gandhi (1982). Biopic zoragarri horrek, besteak beste, 8 Oscar sari irabazi zituen

Urriaren 10ean, ostegunean, Asamblea de Cooperación Por la Paz / Bakerako Lankidetza Batzarreak proposatutako The Wedding Ring ikusiko dugu. Elkarte honen ekintza ardatzik garrantzitsuenetako bat Nigerren dago. Munduko bigarren herrialde behartsuena da eta klima, gizarte, eta giza faktoreak direla eta, elikagaien segurtasun eza da bere arazorik nagusiena. Pobrezia handiagoa da emakumeengan, pobreziaren feminizazioaren izena jaso duena. Horren arrazoia emakumeek garapen sozial eta ekonomikorako aukera gutxiago dituztela da, gainera lan karga handiagoa dute eta hezkuntzarako eta osasunerako sarbide mugatua, baliabideak lortzeko kontrolik eta sarbiderik ez eta euren kontrako indarkeria fisiko eta psikikoa ikaragarria da. Horri gehitu behar zaio ez dutela lurrak edo jabetzak izateko eskubiderik.
Nigerreko emakumeen egoera ezagutzera emateko asmoz, Nafarroako Filmotekaren, DIKOren eta Iruñeko Udalaren laguntzarekin zine forum hau antolatu da.

Urriaren 17an, osteguna, estreinaldi bikoitza izango dugu Filmotekan. Alde batetik, Diecisiete (Daniel Sánchez-Arévalo, 2019) filma, eta, bestetik, Netflix plataformak ekoiztutako eta banatutako lehenengo filma. Plataforma horrek Espainiako filmotekekin akordio bat sinatu du bere film batzuk gure aretoetan proiektatu ahal izateko. Urriaren 25ean Roma (Alfonso Cuarón, 2018) ikusteko aukera izango dugu beraz. Film hori, Arkitekturako Bienalak zinema latinoamerikarrari eskainitako zikloaren barruan ikusi ahalko da.

Azkenik, saio berezi hauen barruan, urriaren 31n, osteguna, Diarios del exilio, dokumentala ikusi ahal izango dugu, Espainiako Filmotekek, tartean Nafarroako Filmen Artxiboa, utzitako erbesteari buruzko etxeko irudiekin egindakoa.