Ateneoak aurkezten du...

Urte honen hasierako Filmotekan, Ateneoak Paulino Viota gonbidatu du, zinemagilea eta irakaslea, bere azken filma izan zena aurkeztera: (Cuerpo a cuerpo (1982)

Zuzendari santandertarraren jarduera zinemagintzako grina batez bizkortutato frankotiratzaile batena da: Super 8-n film laburrak egiten hasi ondoren, Madrilera joan zen, eta 1970n gure zinemaren filmerik abangoardista eta borrokalarienetariko bat egin zuen: Contactos (bere berriztapena, Espainiako Filmotekak eta Reina Sofia Museoak eginda, Iruñako Punto de Vista Festibalean aurkeztu zen 2010n). Bere bigarren film luzea, jada industriaren barne, Con Uñas y Dientes (1977) izan zen, langile-klasea jasan behar duen esplotazioa eta indarkeriari buruzko drama politikoa.

Bere azken filma, Cuerpo a Cuerpo (1982), lan labur bat zuen jatorri, zuzendari kantabriarren (Mario Camus, Manuel Gutiérrez Aragón eta Jesús Garay, Paulino Viotaz gain) pasartez osatutako film batean parte hartzeko filmatutako sketch bat. Filma ez zen gauzatu azkenean, baino Viotak lanarekin jarraitzea erabaki zuen. Bere aurreko filmetan formaz eta kontaeraz larritu ondoren, aukera aprobetxatu zuen aktoreen lanarekin sakontzeko eta esperimentatzeko.

Espainiako zineman aurrekaririk gabeko dramagintza ariketa batean, Viota eta bere aktoreek batera konposatu zituzten bai istorioa bai pertsonaiak eta elkarrizketak, lehendabiziz inprobisazioekin lan egiten, gero gidoia sortzeko. Emaitza ohiz kanpoko komedia bat da (garaikidea, baino 8oko hamarkadako komedia madrildarratik urrun dagoena), gaztaroaren galera eta denbora-pasari nola aurre egiteari buruzkoa.

Film honen ondoren, Paulino Viota zinemagile izateko era bakar bat ez dagoela erakutsi zuen. Espainiako zinemaren zuzendari interesgarrienetariko bat galdu genuen, baino irakasle eta analista erregaitz bat irabazi genuen, Espainiako unibertsitate eta eskola ugarietan aztarna utzi duena.