Nafarroako Filmoteka

Navarra Shortzinema katalogoa Kultura Zuzendaritza Nagusiak – Nafarroako Gobernuko Vianako Printzearen Erakundeak- bultzatutako ekimena da, deialdia itxi aurreko hamabi hilabetetan egindako Nafarroako film labur onenen aitorpena, sustapena eta zabalkundea bilatzen duena. Aurten deialdia maiatzak 31n itxi egin zen. Profesionalen epaimahai batek egindako hautaketa-prozesuaren ondoren, Navarra Shortizinemaren aurtengo edizioa osatzen duten sei film laburrak aukeratu ziren, fikziozko hiru: (R)ojo por (R)ojo (Lucia Aparici); O (Maria Monreal) eta Mamä (Maite Astiz eta Ibon Landa). Eta hiru dokumentu-generokoak: Ballenas aplastadas por el hielo (Andrea Jaurrieta); El vuelo de las libélulas (Iñaki Alforja) eta   Krutxalteatik Uronarat (Uztarrozeko bizilagunek eta Marina Lameiro…)

Cima en corto film laburren erakusketa da, emakume zinemagileen sorkuntza  zinematografikoa zabaltzeko eta ikus-entzunezkoari buruzko eztabaida ikuspegi feministatik aberasteko helburua duena. CIMA Emakume Zinemagileen eta ikus-entzunezko Hedabideen Elkartearen jarduera da, emakume zinemagileen lana babesteko eta haien zinema publiko orokorrari hurbiltzeko. Nafarroako lehen saio honek Nafarroako zortzi zuzendarik egindako  azken lanen lagina biltzen du, eta horietako batzuk bertaratuko dira aurkezpenera eta ondorengo solasaldira.