Punto de Vista Fokua

Punto de Vistak bere fokuarekin jarraitzen du – 2026an apirilaren 20tik 25era egingo den jaialdiaren aurretik – "reenactment" kontzeptutik abiatuta. Historiarekin jolasten duen praktika zinematografikoa, bere joskera zurrunak hautsiz interpretazio berrituak sortzeko. Narimane Marik, film honen zuzendariak, bere estreinaldi komertzialean esan zuen bezala: "Egin dezagun nahi duguna historiarekin". Bigarren saio honetan, Loubia Hamra-k, Aljeriako Gerran matxinatutako borrokalariek elikatzen zituzten babarrunak aipatzen dituen izenburuak, flatulentzia asko eragiten zituena, garai horretako berrinterpretazio ausart eta apurtzailea da. Aljeriako soldaduen eta herritarren bizipenak Aljerko Bab el Oued auzoko neska-mutil talde baten esku daude. Inprobisazioarekin lotutako antzerki-lan baten ondoren, gertakariak eta kontatu dizkieten istorio mitikoak beren erara birsortzen dituzte. Aurpegietan, gorputzetan eta kostaldeko paisaia ahaztezinetan irradiatzen den edertasun batekin, kolektiboki erresistentzia antikoloniala irudikatzen dute, dibertituz, mozorrotuz, korrika eta dantzan, Jean Vigoren espiritu errebeldearekin eta une historiko horretako kontzeptu garrantzitsuenaren eskutik: askatasuna.